कैलाली- नेपाली कांग्रेस गोदावरी नगर कमिटीले रसुवामा बाढीबाट प्रभावित नागरिकको राहत तथा उद्धारका लागि प्रधानमन्त्री दैवी प्रकोप उद्धार कोषमा रु. १ लाख १ हजार १ सय ११ आर्थिक सहयोग गरेको छ।
नेपाली कांग्रेस गोदावरी नगर कमिटी सचिव योगेश भट्टका अनुसार विगत दुई वर्षदेखि ‘जसको कोही छैन, त्यसको नेपाली कांग्रेस’ भन्ने मूल नाराका साथ गोदावरी क्षेत्रमा विभिन्न सामाजिक तथा जनमुखी कार्यक्रम सञ्चालन गर्दै आएको कांग्रेसले यस वर्ष रसुवा बाढीपीडितलाई सहयोग गर्ने निर्णय गरेको हो।
भट्टले नेपाली कांग्रेस हिजो पनि जनताको पक्षमा रहेको, आज पनि जनताकै पक्षमा रहेको र भोलिका दिनमा पनि जनताको सुख–दुःखमा साथ दिइरहने बताए। विपद्को समयमा पीडित नागरिकलाई राहत पु¥याउने उद्देश्यले कोषमा आर्थिक सहयोग गरिएको उनले जानकारी दिए।
सहयोग अभियानमा साथ दिने पार्टीका अग्रज नेतागण, नेता–कार्यकर्ता, साथीभाइ तथा शुभेच्छुकहरूप्रति सचिव भट्टले हृदयदेखि धन्यवाद व्यक्त गरे। साथै, आगामी दिनमा पनि यस्तै सामाजिक तथा मानवीय अभियान सञ्चालन गर्न सबैको साथ र सहयोगको अपेक्षा रहेको उनले बताए।
